Dal 1992 ADMO Trentin sensibilisea i joegn su la donazion de megola de l’os desche ultima speranza per chi che scombat contra n tumor del sanch, ma l’é amò n muie da fèr acioche semper più jent dovente donatores. La soula cura efizienta contra n muie de malaties del sanch l’é proprio l trapiant de megola de os. Demò una persona sun ogne 100.000 la é compatibola con chi che speta na neva speranza de vita. Per chest l’é emportant doventèr donatores. Per vegnir ametui tel Register Donatores de Megola de Os, ge vel aer anter i 18 e i 35 egn, esser segn e pesèr più che 50 chili.
L’ADMO Trentin, en colaborazion col Comun general de Fascia, endreza n webinar per n saer de più su la sociazion. Monica Fantini, responsabola de la comunicazion, rejonarà de donazion e de coche se doventa speranza de vita. Al webinar tolarà pèrt ence Luca Varesco donator de megola de os e l joen Francesco Romano da Cianacei che contarà de sia esperienza con la malatia. Francesco l’é stat n atlet de schi a livel nazionèl tel grop Fiamme Oro de Moena e no l se aessa mai spetà de ciapèr n tumor al sanch. »La speranza é ruèda col trapiant de megola de os – à dit Francesco – de gra a la compatibilità con na tousa todescia. L trapiant me à endò dat la possibilità de viver desche inant.«
L webinar vegn fat en lunesc ai 14 de jugn da les 20.15 su la piataforma Life Size, bèsta se coleèr al link https://call.lifesizecloud.com/8084511. (mci)
Doventèr donatores de megola de os
ADMO Trentin, en colaborazion col Comun general de Fascia, endreza n webinar con la testimonianza de Francesco Romano.
Galaria retrac
View the embedded image gallery online at:
https://www.lausc.it/valedes-ladines/fascia/16019-doventer-donatores-de-megola-de-os#sigProId1fb1c1808a
https://www.lausc.it/valedes-ladines/fascia/16019-doventer-donatores-de-megola-de-os#sigProId1fb1c1808a