Per n muie de scolees e studenc la scola é encomai fenida e en mercol ai 16 l’é scomenzà l’ultima fadìa ence per chi che cogn fèr i ejames.
Chi de la matura i à abù da fèr dut l meis de mé per enjignèr l lurier (scrit, prejentazion, enrescida, dessegn o model, aldò del cors de studie) che ge era stat dat sù. Pean via da chest i fèsc l’ejam a ousc, olache i vegn domané fora da la Comiscion, con l president che vegn da fora e si professores nominé. L’é trei comiscions desferentes, una per vigniun di 3 licees e i ejames de matura i cognessa fenir ai 23 o 24 de jugn.
Jirà inant enveze enscin ai 28 de jugn i ejames per i studenc de terza mesèna, che i é ben 119. Ence ic à cognù enjignèr n lurier multimedièl e multidisciplinèr su n argoment concordà coi dozenc e i vegnarà scuté te l’ejam a ousc da dut l Consei de clas, con l Sorastant desche president.
Per l sostitut sorastant Claudio Valentini l lurier no fenirà ampò coi ejames: inant che poder serèr sù sia cariera scolastica e jir en penscion l’à amò desvaliva robes da fèr e de aost l cognarà fèr l passaje de consegnes con l nef Sorastant, per chel che l’é pervedù n meis de l tirocinie de obligh.
Con el aon fat mingol de bilanz de chest an, che podede lejer su La Usc stampèda de vender ai 18 de jugn. (Lucia Gross)
N an de protocoi, projec e novitèdes
Per scolees e studenc l’é fenì, o l’é dò a fenir, l’an de scola. N an particolèr e empegnatif soraldut per l sostitut sorastant Claudio Valentini, che te sie ultim an de lurier l’à ret la Scola de Fascia.
Galaria retrac
View the embedded image gallery online at:
https://www.lausc.it/valedes-ladines/fascia/16094-n-an-de-protocoi-projec-e-novitedes#sigProIdf2bbe4375b
https://www.lausc.it/valedes-ladines/fascia/16094-n-an-de-protocoi-projec-e-novitedes#sigProIdf2bbe4375b