L Museo Ladin ve speta!

Data

22 de jugn 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Na cordanza anter Istitut Cultural e Fassa Coop per envièr la jent a se tor mingol de temp per pascentèr corp e cef a Sèn Jan.

Dai 10 de jugn l Museo Ladin à endò orì si ujes al publich e l se à pissà a na gustegola scomenzadiva che se ouc tant ai fascegn che ai foresć e che jirà inant per dut l meis de jugn: envièr la jent che rua a Sèn Jan a se tor mingol de temp per pascentèr tant l corp che l cef, jir te Museo Ladin e, con chesta vertola, fèr na paussa te bar de la Coprativa.

A duc chi che jirà a proveder te la Coprativa de Fascia a Sèn Jan e ence te sia filiales ge vegnarà dat a la cassa n biliet che dèsc derit a jir te Museo a n priesc rebassà (1.00€ per la jent da chiò, 3.00€ per i foresć); da l’autra man, duta la jent che jirà te Museo ciaparà na zedola de rebas da durèr tel bar del Fassa Coop. 

L Museo Ladin de Fascia resta avert per dut istà co l’orarie dal lunesc a la sabeda da les 10.00 a le 12.30 e da le 15.00 a le 19.00, e l’é ence na bona ocajion per tor pèrt a na vijita vidèda te la sales del Museo (da prenotèr dantfora, ence tras whatsapp, al numer 0462 760182) sporta debant a duc chi che à piajer de cognoscer amò miec noscia cara e enteressanta cultura, storia e identità ladina.

Galaria retrac