L refless de Elena Favè

Data

04 de messel 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La joena ciantarina fascèna à dat fora sie nef singol »Riflesso«, n dialogh con sé enstessa che pel didèr ence i etres.

Musega: notes e paroles che rua al cher e al cef de la persones. N lengaz veior e durà da duta la popolazions del mond che enscin da l’antichità les à podù aprijièr la forza e la beleza de chest rejonèr universèl.

Rejonèr con l’autra persones, ma ence rejonèr a sé enstesc, ruèr a na comprenjion maora de noscia persona. E l’é chest chel che à volù fèr Elena Favè, na joena ciantarina fascèna che jà da vèlch an la se dèsc jù tel mond de la musega e che da pech temp l’à publicà sie prum singol dal titol »Riflesso«, na cianzon te chela che l’autora à volù se conzeder n dialogh vardan endò a si fai con na neva consapevoleza.

L’à semper abù na gran pascion per chesta èrt Elena, tousa del 1997 de Fontanac che per se arvejinèr maormenter a la musega la se à enscinuà al cors de popular music al conservatorie de Trent, percors che cognessa ruèr a compiment de otober con la tesi.

No demò studie, ma ence esperienzes per fèr madurèr sie talent. Elena cianta te desvaliva formazions desche la band Souled Out, l duet acustich The Curls e chel fosc più emportant con n auter joen fascian che à fat de la musega sie mestier, Marco Mattia. Elena e Marco fèsc ence cobia te la vita da passa cinch egn, n raport bon de desmostrèr notes d’amor, ma ence èrt con ogne giornèda che dèsc na neva oportunità.

Ai 18 de jugn l'é vegnù fora sie nef singol dal titol “Riflesso". Elena Favè ne conta dut te l'intervista su La Usc stampèda de vender ai 2 de messèl.

 (Daniele Verra)