La Usc di Ladins

Passa 160 ciavai da Südtirol, Osttirol y Nordtirol é gnüs metüs en bela mostra en sabeda ai 17 de ma a Lienz, olache al é gnü tigní la "Gesamt Tiroler Noriker Landesschau". Ara se trata de na mostra che vëgn tignida vigni cater agn te n ater post – la proscima ediziun sará te Südtirol. Danter i ciavai condüc alerch n’êl 40 de Südtirol y de chisc 4 dala Val Badia. Ala pert la ciavala "Sonia" de Erich Declara da La Ila, che ê gnüda incoronada ala fin d’aurí la polorina plü bela a Neumarkt. Fora Lienz ára arjunt le terzo post assolut tla categoria de polorines de trëi agn. La ciavala "Flora" de Christian Nagler de Badia, che â arjunt le terzo post a Neumarkt l’ann passé, é fora Lienz rovada 4. tla categoria dles ciavales zënza polorin da 4 agn insö. Tut pert á spo ince le zidladú Denis Crazzolara da San Ciascian, cun "Ida" y "Moulage–Sissi" tla categoria dles ciavales de trëi agn.

Deplü sön chësta "festa di norics" podëise lí t’La Usc di Ladins di 30 de ma  (pablo)