La Usc di Ladins

Ai 11 de oril i studenc de III e IV LAD, de la sezion de design del Liceo artistich de la Scola Ladina de Fascia i é jic a Milan compagné dai ensegnanc Simone Zulian, Fiorella Brunel, Nicola Pitscheider e Gianantonio Bettega per vijitèr l Salon Internazionèl del Mobile a Milan.
»Aon pissà de portar i studenc a chest event - à dit l professor Simone Zulian - per ge dar l'ocajion de poder vedere da vejin le gran firme che met fora si ogec de design, capir l'emportanza che pel aer la realisazion del stand e veder da vejin, dal vif, l material che serf e che de solit se veit demò su le reviste spezialisade.«

Per l secondo an a do a do a chest event, anter i joegn designers sot i 35 egn selezioné, l é stat envià Riccardo Toldo, 30 egn da Zoldo, che vif e laora te Fascia do aer tacà so percors de studie a la Scola d’èrt de Sèn Jan.
L ex student de la Scola de Fascia à soscedà enteres al ‘SaloneSatellite’ a Milan con na neva lum, sie projet à inom "Fil rouge“ e l é ispirà a la lejenda gaiponeisa de Hakaito.

Se pel lejer dut su La Usc nr 20 dai 30 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.



 (LG/TZ)