La museghes de Silvia Leonetti al Festival de Cannes

Data

01 de agost 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L docufilm »Telling my son’s land« de Ilaria Jovine e Roberto Mariotti con la colona sonora de la tousa fascèna é stat portà dant al Festival de Cannes – Marché du Film.

Ela l’é Silvia Leonetti, la é da Penìa e la stèsc a Roma oramai da set egn. Canche la era te Fascia la sonèa la tromba te la Musega Auta Fascia, fin canche la se à enscinuà al conservatorie Monteverdi de Busan. Da aló la é se n jita a studièr a Roma a l’IITM (Istitut talian per la tecnologìa de la musega) tel cors de ‘musega e tecnologia aplichèdes a la fegures’.

Con sia musega e stil la ge à dat n emportant contribut a la Musega Auta Fascia: l’à apontin scrit jù l tòch »Noscia Tera« en ocajion de sie diejem aniversarie, che é stat ence metù ite tel cd con chest medemo inom. Te sie curriculum l’à colaborà ence con autra jent del Trentin per film realisé te noscia region.
Sia maor pascion l'é la musega da film e dò aer fat ruèr ti egn passé per doi outes sia colona sonores a la nomination per l'Oscar de la musega, chest'outa l'à arjont n auter bel travert.

Su La Usc stampèda de vender ai 30 de messèl se pel lejer duta sia intervista.  (Nicoletta Riz)