La comunanza de Moena à compagnà te sie ultim viac en lunesc ai 21 de marz Ezio Damolin, se n jit en vender ai 18. Ezio, clasc 1944, l é stat n gran sportif, soraldut ti egn dal 1960 al 1970, te la conbinazion nordica e tel saut.
Cresciù te la sozietà sportiva de paisc, la Monti Pallidi, del 1961 l arjonc l 2° post te la combinazion nordica ai campionac taliegn juniores de Roccaraso. L an do, del 1962, l venc l titol de campion talian juniores te la combinazion e l 2° post tel saut spezial.
Del 1964 l tol part a le Olimpiadi de Dispruch olache l rua 8° te la combinazion nordica.
Ti ultimes egn l é stat n gran pascionà, jiador e maester ence de tennis, tant da aer corì per valch an ence la enciaria de president del TC Moena.
De più su La Usc stampèda de vender ai 25 de mèrz. (MCI)
L é se n jit Ezio Damolin
Te soa cariera da atlet l à vent 9 titoi de campion talian, 7 te la combinazion nordica e 2 tel saut. L é stat ence n pont de referiment per l tennis de Fascia e Fiem.
Galaria retrac
View the embedded image gallery online at:
https://www.lausc.it/valedes-ladines/fascia/19079-l-e-se-n-jit-ezio-damolin#sigProId955bd24cd9
https://www.lausc.it/valedes-ladines/fascia/19079-l-e-se-n-jit-ezio-damolin#sigProId955bd24cd9
