La Usc di Ladins

No podea esser na idea più bela per ge recordèr a la jent de Soraga e de Fascia n artist, n zipiador de gran valuta se n jit acà 30 egn: Tita Pederiva Batistoun (1905-1992). L’Union di Ladins de Fascia à volù l onorèr con n conzert maraveous, chiaman per la pruma outa te Fascia doi artistes ladines de livel internazionèl. Si riches curricula é stac porté dant su la paladina de La Gran Ciasa a Soraga da Monica Cigolla, do l salut de l’assessora a la cultura del Comun de Soraga Sandra Bussolon, che à sport sia colaborazion per chest event.

A Soraga la doi artistes no les à demò ciantà e sonà a na vida maraveousa, ma les à ence compagnà l publich che empienia la sala, prejentan per ladin a na vida dassen gustegola e enteressanta i autores e i toc de sie program e anterite l president de l’Union di Ladins de Fascia Fernando Brunel à prejentà la fegura de Tita Pederiva.

De più su La Usc stampèda de vender ai 25 de mèrz.   (Lucia Gross)