La storia certa de n retrat

Data

22 de jugn 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N fat curgios contà da Giorgio Jellici l é publicà tel numer spezial de Nosha Jent che vegn prejentà da Sèn Vile a Moena. Tel domesdì cultural ence l video de na ciantia ladina e n roman de Armando Vadagnini.

 
Che àlo po de cert chel retrat fat dal fotograf Francesco March da Ciavales tel dì del maridò de so amich Valentino Jellici, per chi da Moena Tinoto Garber? L era ai 22 de november del 1910 e l Tinoto se maridava con la Rina dal Forn, 6 egn dapò de esser restà vedof con 7 fiöi per la mort de sova amada Margeta del Menegon.

Chesta contia de n fat sozedù dalbon, scrita da Giorgio Jellici e dapò traslatada ence per moenat dal Marcelin del Cenchen, l é deventà n bel numer spezial de Nosha Jent che 
ge vegnarà dat fora per nia a duc i abonè a Nosha Jent e a chi che volerà jir a la prejentazion a Moena, en domenia ai 26 en ocajion de la Sègra de Sèn Vile te sala grana Simonin Maza de le scole da le 16:30.
Tel domesdì cultural se poderà veder ence n nef video de la ciantia ‘Per me el Segnoredio’ col test de la Veronica del Tinoto Gabana, la musega del Fabio del Goti e le osc de ‘Cianton da marevea’ e dapò vegnarà prejentà l liber de n auter moenat, Armando Vadagnini, dal titol ‘Quando l’amore è rivelazione’.

De più su La Usc stampèda de vender ai 24 de jugn.  (LG)