La Usc di Ladins

La scola elementera tla streda Scurcià a Urtijëi à si ani y coche pra uni fra­biga vàla de ti jì do ai tëmps y de miuré ulache l se lascia, acioche n posse inò tré inant per n pez. L Chemun de Urtijëi à chësc instà lascià fé lëures per feter trëi milions de euro. N à fat da nuef l tët dla scola elementera, n à metù su plates fotovoltaiches y fat de majeri lëures dedite.

Nce te Sëlva àn fat plu lëures per miuré la scoles. Tl’elementera àn mudà ora duc i vieresc y fat da nuef l alarm de meldefuech, n alarm che n à nce mudà ora te sco­lina.

L’assessëura per la scoles de S.Cristina, Verena Insam, nes à fat al savëi che tla scola elementera àn mé fat de pitli lëures, chësc ajache n à bele da plu giut incà sun mëisa n pruiet de ngrandimënt dla scola y de fé da nuef dut l tët.

SPM

L articul ntier tla edizion nueva de La Usc di Ladins de duman vënderdi ai 12 de setëmber.