La Usc di Ladins

»Enrosadira« l é l inom de la mostra de operes del pitor fascian Giuseppe Soraperra inaugurèda te Museo Ladin de Fascia en vender ai 29 de messèl. Na ocajion dalbon ecezionèla che à binà te la sales del Museo n grum de joegn ajache chest event é stat leà a l’avertura del Circen Dolomites Festival che chest an é dedicà proprio a chest fenomen naturèl.

Joegn e pascioné de èrt, ensegnanc e arlieves de la Scola d’èrt, autoritèdes e artisć, apede a Franco Soraperra, l fi de Bepin, che ades se à tramudà te la Toscana e che con comozion l à recordà la pascion de depenjer de sie père e l à spiegà la tecniches e ence vèlch particolèr curious de sia vita da artist e da om leà a sia jent e a sia val.

La regoeta de operes metudes fora te Museo no la se met dant de contèr duta l’èrt de Bepin, alincontra l é n tribut a n artist de Fascia che à lascià na pedia fona te la cultura. Te la mostra vegn metù al luster la capazità de Bepin Soraperra de tor ju ogne lujor tel moment prezis che la crepes se entenc de resa e pomaranc.

De più su La Usc stampèda de vender ai 5 de aost.


 (Monica Cigolla)