La Usc di Ladins

En jebia ai 13 de otober se à destudà a l’età de 87 egn Flavio Lorenz de Jan, n om che te sia vita l é stat n ejempie de chela generazion che se à dat ju per sia comunanza, tant a livel aministratif che imprenditorial.

Nasciù del 1935, a l’età de 32 egn, del 1967, l é stat lità per la pruma outa president del Consorzie Eletrich de Poza, passan fora momenc senestres e l fajan crescer ensema col diretor da enlouta Aldo Detomas da Pont. L à vidà chest Consorzie cooperatif per 48 egn, fin del 2015, canche l à zedù l testamonech e ge é stat dat l recognosciment de president de onor.

Del 1971, tel pien de la batalia politica de revendicazion di Ladins de Fascia per aer n sie Comprenjorie e no vegnir metui adum con chel de Fiem, Flavio Lorenz l é stat lità ombolt de Poza e te chest ruol aministratif l à portà inant la batalia politica per i ladins e l »Los von Trient«. 

De più su La Usc stampèda de vender ai 21 de otober.   (LG)