La Usc di Ladins

La cresc e la doventa semper più refinada la pascion de Peter Decrestina. La se fasc, desche l formai, vegnissa beleche da dir. L é belapontin de la pascion de far formai che rejonon, e de l far a na vida semper miora, semper più rencurada, de enrescir neves saores e neve vide per l sajonar e neves stii per l propor. 

Peter fasc l malghier, l à tacà a lurar con la Malga de Fascia, dant a Ciampedel e dapò a Pera e ades da valch an l laora per l El Mas de Moena. Chiò, l disc, l à abù na avertura mentala, i patrogn l à fat crescer, i ge à fat far formazion per proar a far de neves formaes. Se sà ben chest l é n mond che podessa se svilupar amò n muie, ma ge vel persone enjignade che saesse l far cognoscer e l aprijiar.

L é da mingol de temp che sui social Peter à tacà a meter su retrac particolares de formaes su na neva piata Facebook che à inom Stol dal Formai.

Nos l aon domanà fora sun sie projet. Podede lejer duta l'intervista su la Usc stampèda de vender ai 25 de november.  (Monica Cigolla)