L’aea per titol »Scomenz«, l conzert d’Aisciuda che te chest temp del an la Musega de Poza met semper a jir per soa jent, ma chest an l é stat dalbon spezial, ajache l era l conzert per i 90 egn de la Banda vidada dal maester Giancarlo Dorich, nasciuda del 1933 canche n grop de sonadores de Poza se à destacà da la Musega de Vich. E apontin per jir de retorn al scomenz, la Musega de Poza se à pissà de enviar i amisc da Vich e sonar adum.
I era de passa 100 i museganc che à sonà su la paladina del tendon de Poza en sabeda ai 27 de mé.
Con parole de gran lauda e rengraziament l maester de la Musega de Poza Giancarlo Dorich à dapò chiamà sun paladina l maester badiot Fridl Pescoller: »L ne à fat n gran cher a azetar nosc envit. Fridl l à fat n sach de robe, l à sonà con gropes rock, coi bec de la scolina, con La Spona, fin a la gran produzion del musical »Ujöp da Oies«. L ne à ensegnà n muie e l ne à dat n sach de stimoi.
De più su La Usc stampèda de en jebia prum de jugn. (Lucia Gross)
Che Museghe… sorafora le seide!
Per i 90 egn de la Musega de Poza l é stat n gran conzert con passa 100 sonadores da Poza e Vich… e n ghest spezial da la Val Badia.
Galaria retrac
View the embedded image gallery online at:
https://www.lausc.it/valedes-ladines/fascia/23846-che-museghe-sorafora-le-seide#sigProId4c1560b335
https://www.lausc.it/valedes-ladines/fascia/23846-che-museghe-sorafora-le-seide#sigProId4c1560b335