La Usc di Ladins

Chisc egn «sul fregolèr se chejea la solita speises: jufa, papacei, polenta dal gros, pultin, gnoches, menùdoi, pizarei, supa rostida…». Chest tant ne recorda Zot de Rola da Penìa.

Ma tantocant – dirà zachei – no joa a nia tor cà de sta parola veies, che ampò chisc magnères da zacan no s’i fèsc più e donca ence l’inom pel jir desmentià n’outa per dutes. Se sà ben, l vocabolèr ladin à da esser “modernisà”, miec adertura lascèr fora chisc ciapins che no disc più nia!... 

Amedit no la é coscita: valgugn de chisc inomes podessa pa amò fèr bela parbuda no demò tel VoLF, ma ence sul Menù de nesc restoranc: i ge dajessa valuta a nosc lengaz e color ‘identitèr’ a noscia gastronomia, ge volessa demò che un o l’auter de nesc bravi cheghes metessa man a nobilitèr valguna de sta speises aldò del gust da anchecondì, descheche ne à moscià apontin Cristopher Verra coi refiei da craut su l’ultim numer de “La Usc”. Del rest ciajoncìe da megol o da doucsin ciapa  oramai sche daperdut, ma più che auter i ge disc Schlutzkrapfen, opuramenter ‘mezzelune’ o ‘tortelloni’, o vèlch da coscita…

De più su La Usc stampèda de vender ai 20 de otober.