La Usc di Ladins

En sabeda ai 4 de november a Trent l é stat la zerimonia de consegna de la Onorefizenzes al Merit de la Republica Talièna conzedudes dal President de la Republica. En dut à ciapà l recognosciment 19 persones e anter chestes ence trei fascegn: Lucia Dellagiacoma del Malgher da Poza, Aldo Rasom da Vich e Vigilio Gabrielli da Moena.

La Onorefizenzes é states dates fora en ocajion de la zelebrazion de la Giornèda de l’Unità Nazionèla e de la Forzes de l’Armèda. La zerimonia te Piaza Santa Maria Maggiore de Trent se à avert con la letura del messaje del President de la Republica Sergio Mattarella e del Minister de la Difesa Guido Crosetto. Dapò l é stat l Comissarie del Goern Filippo Santarelli che, ensema ai ombolc, à dat fora i recognoscimenc che ge vegn dat ai sentadins che se tol fora de anter per si meric te desvalives ciampes al ben del Paisc e de la comunanza.
Duc trei à palesà gran legreza per aer ciapà l recognosciment.

Podede lejer si comenc su La Usc de en vender ai 10 de november del 2023  (Monica Cigolla)