La Usc di Ladins

SU La Usc numer 46 l é stat publicà n retrat che ne era stat dat da Arrigo Deluca Zocol, maester e diretor didatich da Poza enciasà e Trent che chest an l à compì 100 egn. L ne à dit che chesta fotografia la era stata fata entorn i egn 1958/59, canche te la scola populèra de Vich l era stat inaudà i benc neves, che i era a doi posć con la doi carieghes spartides. 

Arrigo Deluca Zocol l ne à dit duc i inomes, e ence vèlch auter letor à responet. Podede i lejer su La Usc numer 47 dal prum de dezember, olache l é ence chest nef retrar.

Desche semper envion duc nesc letores a ne dir che che i sà manan na mail a: fascia@lausc.it o chiaman l numer 0462 764545. Per poder meter la soluzion e i inomes de chi che respon sul numer che vegn de nosc sfoi, ve domanon de ne l dir amò en lunesc ai 4 da doman, ajache en vender ai 8, dì de la Conzeta, l é festa e per chest La Usc cogn vegnir stampèda na dì dant.

Ve recordon che chi che ne porta n retrat da publichèr e chi che endoina i ciapa en don n bel liber, n CD, na bandiera ladina o fascèna, o n gramièl brun, sporc da l’Union di Ladins de Fascia.

 (LG)