La Usc di Ladins

L é na bela neva te Fascia. L é nasciù l CRAL FassaCoop. Che che l é e che che l fasc i ne l à contà i sozi fondadores. Te ofize de la Coprativa de Sèn Jan é fat na bela ciacolada con Elena, Stefano, Mattia, Alessandra e Giuseppe che ensema a Martina, Dennis e Pierpaolo l é stat i prumes a se dar ju per meter ju i fondamenc per chesta neva realtà. Co éla nasciuda l’idea de meter su l CRAL?

L é stat l president de la Coprativa Norbert Bernard che ne à rejonà del CRAL – ne à contà Stefano Defrancesco – l ne à fat cognoscer chesta possibilità che la é jà te autre aziende. L era d’istà del 2023, eraane en piena sajon, sobito la é lasciada mingol lo dapò aon tacà a se mever. L acronim CRAL vel dir Circolo Ricreativo Aziendale Lavoratori, noi ge aon dat inom CRAL FassaCoop. È tacà subit a domanar la desponibilità de raprejentanc ti desvalives setores de la Coprativa ence percheche dapò coscita l é più sorì comunicar con duc.

De più su La Usc stampèda de en vender ai 9 de firé.  (Monica Cigolla)