Chest’aisciuda sarà 20 egn che Barbara Pederiva da Soraga la laora te la Majon di libres de Vich, na bibloteca che, da canche jai 6 egn i doi Comuns de Poza e Vich se à metù adum, la é doventada del Comun de Sèn Jan. Se aon fat contar valch de che che vel dir lurar te na biblioteca, che che vegn fat e sport a la comunanza e la resposta di utenc.
Barbara, peon via da l’ultima roba, chela scrita sul volantin tacà fora sun usc de la biblioteca: »L’isola che non c’è«: de che se tratel?
Barbara Pederiva L é na atività che ne é stat proponet da Elisabetta Vanzetta, che la era te la Biblioteca de Tieser e ades la porta inant corsc e laboratories desche esperta de letradura per bec e joenec, e gio é azetà. L idea l é crear n grop de letura per gregn dedicà apontin ai libres per bec e joenec. L scomenza en mercol ai 14 de firé, da le 5 domesdì, e l tem che l’à proponet l é »Casa dolce casa«, dapò se jirà inant ai 13 de marz col tem »Nel buio della notte« e do sarà i partezipanc al grop che podarà portar soe idee. No l é lezion, ma n dialogh per crear n grop che dapò podarà jir inant en maniera autonoma. Duc i pel tor part e no l é nia da paar, ma no pel esser più che 15 persone e se cogn se scriver ite chiò te biblioteca (sangiovannidifassa@biblio.tn.it – 0462 763062).
Podede lejer duta l'intervista su La Usc stampèda de en vender ai 9 de firé. (Lucia Gross)
20 egn te biblioteca
Barbara Pederiva la laora da n pez te la Majon di libres a Vich. Do aer vedù la setemana passada la biblioteca de Cianacei, chest’outa vedon l'atività e i servijes che sporc chesta strutura.
Galaria retrac
View the embedded image gallery online at:
https://www.lausc.it/valedes-ladines/fascia/26421-20-egn-te-biblioteca#sigProId333133f7a2
https://www.lausc.it/valedes-ladines/fascia/26421-20-egn-te-biblioteca#sigProId333133f7a2