La Usc di Ladins

L era i 30 de jugn del an passà canche l pulmin, con su n grop de 6 volontares fascegn che jia envers l jouf de Sela per far servije lo dal refuge Valentini te l’ultima tapa de la Fassa Running, l é jit fora de strada te n pont dassen pericolous, sutan ju con n sgol de 6 o 7 metres dal pont e ruan tel ruf de Antermont.

La mobilitazion di socoridores era stata grana e svelta: i sie componenc era ferii, ence a na vida pesoca, ma duc vives, e chest parea jà n miracol a veder l gran saut fat dal pulmin e le condizion de la desgrazia. Per zachei la varijon é stata longia e l’à lascià valch segn, ma la situazion più grieva l é stat fin dal scomenz chela de Stefano Bernard de Nato da Pera, che l vidaa l pulmin e che l é stat portà sobito en rianimazion. Ti meisc do per el l é stat auc e basc, momenc che soe condizion parea jir mingol miec, lascian sperar che pian pian l posse se remeter, e autres olache enveze le se à complicà, fin al ultim piorament da chel che ‘Stefi’, coche ge dijea duc si amisc, no l é più stat bon de se trar fora.

La burta neva de soa mort ai 20 de firé l’à lascià duta la comunanza destrametuda.

De più su La Usc stampèda de en vender prum de mèrz.  (Lucia Gross)