La Usc di Ladins

Per la sezion del CAI SAT de la Val de Sora l 2023 l é stat n an senester: chest vegn fora da la radunanza anuèla stata en domenia domesdì te Sala de Consei del Comun de Cianacei. Belimpont ence chesta sociazion l’à cognù se confrontèr coi mudaments pervedui dal Terz Setor e da ades inant la jirà inant desche sezion interna de la SAT zentrèla. Apede a chest, ence la manutenzion di troes la é piutost endestra con semper più temporèi e etres evenc meteo forc.

La scontrèda se à avert col descors de la presidenta Licia Favé, che l’à rengrazià dantdaldut i comembres del diretif e i volontadives de la sezion: »I sozi de la sociazion i é 256, de chisc 24 joegn e 4 menacrepes. Per la fin del an ruaron a valivèr l numer di egn passé e fazile ence a l passèr via, dalajà che ne mencia amò i sozi-ghesć, chi che à la seconda cèses chiò e soraldut i renova l tesserament ajache i enten se emprevaler del rebas te la uties«. Favé l’à dapodò portà dant en curt l’ativitèdes del an passà.

Podede lejer dut, coi inomes di premié, su La Usc stampèda de en vender ai 12 de oril.  (Nicoletta Riz)