La Usc di Ladins

L é temp de doi rodes, te noscia valèdes. La lenghes de catram fosch giusta renovèdes e la bandieres resa enlongia ju ge recorda ence a chi che de chest sport se cruzia pech che te pech i coridores del Giro de la Tèlia i sarà chiò. 

Chela che ne tocia più da vejin de chesta edizion numer 107 de la corsa de rodes de maor nonzech nazionèl, e ence segur una de la più spetèdes e dezisives, l é la 17^ tapa, che ai 22 de mé la pearà via da Selva vin Gherdena per ruèr travers l Jouf de Sela fin a Cianacei e do fora per duta Fascia e ju per Fiem fin ja Pardac e dapò envers Primier e l Pas del Brocon.

La endesfida resa jirà dapò inant per se serèr su a Roma en domenia ai 26 de mé, ma apontin tel medemo dì noscia valèdes sarà protagonistes de n auter event de nonzech sun doi rodes, la edizion numer 16 de la Marcialonga Cycling Craft, che la farà pèrt de trei zircuis de nonzech: Alé Challenge, Nalini Road Series e Cycling Italia, chest ultim pissà per fèr cognoscer i lesc Patrimonie Unesco.


De più su La Usc stampèda de en vender ai 17 de mé.  (Lucia Gross)