La Usc di Ladins

Pro le Museum Ladin Ciastel de Tor s’ál desfiré en sabeda ai 4 de ma söl misdé la daurida dla mostra de Siegward Sprotte. Do le salüt dla direturia dl Museum Katharina Moling, á René Pescoll, presidënt dl’Uniun di Ladins Val Badia, saludé y rengrazié dla bona colaboraziun danter Museum Ladin Ciastel de Tor, SMACH y Istitut Ladin Micurá de Rü. Chësta á porté pro ala realisa- ziun de na biografia nöia, inzentrada sön la figöra de Siegward Sprotte, presentada defata ia por le domisdé tl salf dl Istitut Ladin Micurá de Rü. Adöm al curadú Philipp Mersa da Calfosch, él gnü descurí les perts zentrales de chësc laur de racoiüda sura l’artist todësch germanich.

Tres la mostra partida sö te döes perts, öna tla tor dl ciastel y la se- cunda, ospitada tl salf dl Istitut Micurá de Rü, él gnü metü fora deplü operes ciamó forestes, che cunta tres contrades – realistiches y astrates – la relaziun dl artist cun i posć che al á vijité.

Liede inant deplü tla ediziun nöia de vëndres 17 ma!