La Usc di Ladins

Museum Gherdëina: porta davierta
N ucajion dl »Di nternaziunel di Museums« nvieia l Museum Gherdëina al di dla porta davierta, n dumënia ai 19 de mei dala 11 danmesdì nchin la 6 da sëira, tla Cësa di Ladins a Urtijëi
L ie n’ucajion per fé n’esperienza virtuela dl itiosaur de Secëda tla sezion naturalistica, cun fossìi, minerei y tieres dl bosch stafunei ora y sëuraprò pòssen amiré testemunianzes dla storia y dl lëur artistich dla jënt dla valeda. Da pert dla Union di Ladins iel nce da pudëi cunsulté na mëisa de libri cun d’uni sort de documënc dla toponomastica. L Museum y la ULG se ncunforta sun vosta vijita. L’entreda ie debant!
Program de curnisc: 9:00–12:00–La »rujenedes« di luesc – Raida a pe sun Col de Flam nchin sa Sacun cun spligazions di plu vedli inuemes dla cuntreda de Gherdëina de Cristian Kollmann.

Recunëscer plantes da adurvé te cësadafuech
L KVW Urtijëi mët a jì na pitla raida sun Col de Flam cun l referënt Johann Comploj, n sada ai 25 de mei, dala 9:00 nchin la 11:30
N se urta dala 9 daduman dan calonia per jì pona duc deberieda da Plajes su. Johann Comploj à fat n curs tla Laimburg per mparé a recunëscer ierbes y a zidlé plantes de verzon. L referënt possa mustré su na esperienza longia tla cultiva­zion. Ël nes cunterà de can y co tlupé la plantes, de coche les vën secëdes y adurvedes per cujiné y per tradizion nce a curé. Sëuraprò giapa uniun ala fin mo n valguna rezetes da pudëi purvé ora.
Iscrizions: Bibliotech San Durich, dai 21 ai 24 de mei, ntan i orars de giaurida. Da paië ite iel 10 €. I posć ie limitei.

Conzert d’aisciöda dla Müjiga Calfosch – Corvara
L’apuntamënt é por en sabeda ai 25 de ma. Ince la müjiga di jogn »The Groovy Wind Band« porta dant n valgügn toc
La Müjiga Calfosch-Corvara tëgn en sabeda ai 25 de ma le conzert d’aisciöda, sot la bachëta de Gerhard Mohr. Le conzert mët man dales 20:30 tl salf dles manifestaziuns a Corvara y an podará odëi por pröms sön paladina i musicontri jogn dla »The Groovy Wind Band« adöm al verdajogn Michael Pescolderung. Le conzert jará inant cun le program dla Müjiga Calfosch–Corvara, che porta dant la marcia »Il Colosseo«, »Voice of the Vikings« y »Fantasia on British Sea Song«. Danterite ti gnarál spo surandé les onoranzes a n valgügn musicontri y tla secunda pert dl conzert podarán ascuté sö i toc »Symphonic Marches«, na seleziun de de plü melodies dal musical »Les Misérables« y la marcia »Im Eilschritt nach Sankt Peter«. Düc i amanc dla musiga é dër bel inviá da gní a d’ascuté sö le conzert.

Teater »Morvëies«
Tla cornisc dl proiet europeich por les mendranzes Phōnē, vëgnel presenté le teater »Morvëies« de Nadia Rungger. Premiera ai 25 de ma a La Ila, cun rapresentaziuns ince a Urtijëi y Bornech
Jobleres dla Val Badia presentëia le teater »Morvëies«, scrit da Nadia Rungger cun la regia de Simon Kostner. Sön paladina él da odëi Marta Cristofolini, Julie Mühlmann, Susy Mutsch­lechner, Milena Obwegs, Maria Margareth Pedevilla y Silvana Pitscheider. Les rapresentaziuns é ai 25 de ma dales 20:00 y ai 26 de ma dales 18:00 tla Ciasa dla Cultura a La Ila, ai 29 de ma dales 20:00 tla Cësa de cultura »Luis Trenker« a Urtijëi y al 31 de ma dales 20:00 tl Stadt­theater da Bornech.
L’entrada é debann.

Mostra de Jutta Valentini
Vernissaja en vëndres ai 24 de ma dales

• 
•  

View the embedded image gallery online at:
https://www.lausc.it/manifestazions-y-evenc/27132-manifestazions-atuales-speziales#sigProId547b695886

18:00, tl gran salf dl Istitut Ladin a San Martin. Tl program de cornisc ince la presentaziun dla tecnica y n curs de pitöra alaleria
»Le tru dl’artista – Dala forma scëmpla ala figöra« é le titul dla mostra de Jutta Valentini d’Al Plan, che metará fora sües operes tl Istitut Ladin »Micurá de Rü« a San Martin de Tor. La vernissaja é en vëndres ai 24 de ma dales 18:00.
La mostra é spo daverta dai 25 de ma cina ai 2 de jügn, dagnora dales 10:00 ales 12:00 y dales 15:00 ales 18:00. Dlungia la mostra de operes él sön le program ince döes scomenciadies de cornisc. En lönesc ai 27 de ma dales 20:00 él tl Istitut Ladin n referat cun presentaziun dla tecnica a öre aladô di vedli maestri; en mercui ai 29 de ma dales 14:00 ales 18:00 él n curs de pitöra alaleria. Informaziuns y iscriziuns pro Jutta Valentini: jutta@valentini.cc

Nëif artifiziela y si cunseguënzes sun la Elpes
La Lia per Natura y usanzes nvieia a chësc referat n juebia ai 23 de mei dala 20:00 tla sala de chemun de Santa Cristina
Cun la geografa y idrologa pruf. Carman de Jong uëlen capì y stlarì ce cunseguënzes che la nëif arti­fiziela à sun la Elpes.
Duc y dutes ie de cuer nviei:des.