La Usc di Ladins

Na esperienza de vita sinziera e datola per didèr dalbon con cher i etres: su envit del cardinal Konrad Krajewski, elemosinier de Papa Francesco, en lunesc ai 20 de mé i doi barbieres da Ciampedel Gabriele e Raffaele Lazzer, père e fi, i é stac envié a Roma, te la barberia del Papa te la Zità del Vatican. 

Descheche ne à contà Raffaele, sia familia à cognosciù l cardinal acà più che 10 egn, canche l vegnia te la parochies de Pera e Poza dal piovan don Giuseppe Da Prà: »Ajache l é polach desche mia mère, aon abù l met de l cognoscer più davejin. Enlouta l era zerimonier de Papa Benedetto XVI, con Papa Francesco l é stat nominà Elemosinier de Sua Santità e arzipiscop, del 2018 fat cardinal: con chesta encèria l se cruzia de la ciarità del Papa«.

Del 2015 per man de Krajewski e per inom del Papa, l é stat avert la barberia, te piaz de Sèn Piere, sot l famous colonat del Bernini, apedejù de neva doces e n ambulatorie de prum socors per i clochard.
La barberia l é n servije garantì da barbieres volontadives de la zità e da fora.

De più su La Usc stampèda de en vender ai 31 de mé.   (Nicoletta Riz)