La Usc di Ladins

L é tacà ite i lurieres per l nef impiant portamont de Ciampedel che con l invern del 2025 l tolarà l post de la forenadoa de Rodela. »Do n lonch e comples iter per aer duta l’autorisazions – à scrit l president de la SITC Daniele Dezulian te n comunicat – zacan aon podù tachèr ite i lurieres per fèr l nef impiant 3S. La soluzion tecnica che aon cernù la é al pas coi tempes e la é jà stata touta su ti raions dai schi più prestigiousc europeans e mondiai. L projet 3S l é stat aproà da duc i ofizies provinzièi competenc, l respeta duta la normatives de ambient e paesaje e l podarà califichèr l’oferta turistica de Ciampedel e de duta la val.« 

L nef impiant 3S a trei funs arà cabines da 32 posć e l portarà 2.200 persones a l’ora, a chesta vida no sarà più la longia coudes de jent, soraldut de schiadores d’invern, che da doman i speta de tor l impiant per jir coi schi sul Selaronda. 

De più su La Usc stampèda de en vender ai 7 de jugn.  (Monica Cigolla)