La Usc di Ladins

Sul numer de La Usc di ladins de vender ai 21 de jugn te la rubrica del retrat da endoinè aon publicà n bel retrat fat ta Penìa acà 65 egn con su n grop de picoi pèstres che jia l prum di sa mont, e te chela ocajion i era compagné ence da un o doi gregn, ajache se cognea descantèr i vedie.

Te la medema rubrica se pel lejer la soluzion del retrat che era stat fat tel Friul per endrez de l’Union di Ladins de Fascia de mé del 2003.

Ve envion a ne dir i inomes de chi che l é su e en cajo vèlch autra informazion manan na mail a: fascia@lausc.it o chiaman l numer de telefon 0462 764545 al più tèrt en mèrtesc che vegn, per poder meter sul numer che vegn de La Usc la soluzion e i inomes de chi che respon.

Ve recordon che chi che ne porta n retrat da publichèr e chi che endoina i ciapa en don n bel liber, n CD, na bandiera ladina o fascèna, o n gramièl brun, sporc da l’Union di Ladins de Fascia.


 (LG)