La Usc di Ladins

Su La Usc numer 36, de en vender ai 13 de setember, aon scrit la soluzion del retrat coi trei fenc da Vich publicà la setemèna dant: no demò i inomes, che i era stac cognosciui fora da tropes ence su FB, ma ence mingol de storia de chel fat tragich sozedù ai 24 de aost del 1992 e che ge à cortà la vita a Stefano Pedrotti.
Tel nef retrat enveze ve envion a cognoscer fora n bel grop de volontadives de la Crousc Biencia, ajache la sociazion tel fin de setemèna che vegn festejarà i 50 egn.

Ve envion a vardèr chi che siede bogn de cognoscer fora e ne responer manan na mail a: fascia@lausc.it o chiaman l numer de telefon 0462 764545, se la va per en mèrtesc, o al più tèrt per en mercol da doman, demò coscita ruon a meter sul numer che vegn de La Usc la soluzion e i inomes de chi che respon.
Ve recordon che chi che ne porta n retrat da publichèr e chi che endoina i ciapa en don n bel liber, n CD, na bandiera ladina o fascèna, o n gramièl brun, sporc da l’Union di Ladins de Fascia.  (lg)