La Usc di Ladins

L à inom ‘Schools Beyond Regions and Borders’ (Scoles sorafora raions e confins) e l é n projet de educazion ativa a la zitadinanza nasciù del 2021 per endrez del professor Beppe Zorzi del Liceo scientifich Leonardo da Vinci de Trent e l coordenament de la prof.ra del medemo Liceo Daniela Ferrari, tel chèder de la Region Trentin Südtirol en convenzion col departiment de Letres e Filosofia de l’Università de Trent.

Chest projet l à l obietif de fèr arvejinèr e cognoscer i joegn europeans che fèsc la scola auta, te chesta edizion l à tout ite 32 scoles autes de 12 Stac desferenc: Austria, Bosnia Erzegovina, Finlandia, Franzia, Germania, Gran Bretagna, Irlanda, Tèlia, Letonia, Portogal, Slovenia e Spagna, apede a 10 scoles de la Region Trentin Südtirol, e ence la Scola Ladina de Fascia à tout pèrt coi studenc del Liceo scientifich.
Nesc studenc, con la prof.a Silvia Murer., i à lurà soraldut sul conzet de felizità te la Generazion Z.

Se pel lejer dut su La Usc nr 18 dai 16 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Lucia Gross)