La Usc di Ladins

A Calfosch s’á iniann desfiré la festa de San Florian por i dui grups de Stödafüch dl Comun de Corvara. En sabeda ai 3 de ma, á i Stödafüch da Calfosch deboriada a chi da Corvara defilé do la santa mëssa dal magazin cina ia te plaza de dlijia. La Müjiga Corvara–Calfosch á acompagné i mëmbri dles uniuns sön plaza dl zënter, olache al é gnü a s’al dé, en ocajiun dla festa de San Florian, l’inaodaziun cun bene­disciun dl camion nü y la surandada de deplü onoranzes. Nia ma n valgügn mëmbri di Stödafüch á podü pié do na recordanza dl sorvisc pité pro l’uniun, mo ince l’ombolt dl Comun de Corvara Robert Rotto­nara é gnü onoré.

Bëgn cater é i mëmbri di Stödafüch da Calfosch, che á podü pié do n’onoranza por sü 40 agn de sorvisc pro l’uniun. Chisc é stá Jüngen Pitscheider, Rudolf Alfreider y Franco Alfarei. Sciöche rengraziamënt da pert dles döes uniuns tratan le tëmp d’inciaria da ombolt, á i stödafüch onoré l’ombolt cun n'onoranza particolara por süa gran dediziun y solidarieté devers di volontars.


Deplü ciafëise da lí tla ediziun nöia de vëndres, ai 16 de ma!