La Usc di Ladins

La storia dl bal é na materia plütosc jona a livel universitar, mo an pó dí che so lingaz universal é tan vedl sciöche la porsona instëssa. Tl debojëgn de movimënt – che é la manifestaziun primara de vita – ciafa le bal sües raisc tla profondité dles strotöres antropologiches y acompagnëia l’evoluziun dla porsona dal scomenciamënt incá cun carateristiches y funziuns desvalies aladô dla zivilté y dl spirit di tëmps. Balé y fá pert de n grup á n gröm de faziuns positives. Ince la Val Badia á süa uniun de chësc vers: la Uniun Bal Popolar Val Badia, che cumpëda al momënt 13 balarins y 12 balarines. Pro chësta uniun é ince scric ite i Platleri Salvans, n grup de jogn che se spezialisëia sön i "Schuhplattler". Tl ultim ann d’ativité él sté indöt apresciapüch 30 incuntades, danter proes, rapresentaziuns y ativités de aurela cörta. Les defilades che fej plü parüda é bëgn chëra de mez agost a La Ila, la gran festa da d’isté a Cianacëi te Fascia y le Rait de San Linert, a chëres che chësta uniun tol ion pert. Regolarmënter röiel ince alerch domandes da jí plü dalunc a festivals y d’atres festes. 

Deplü sön la Uniun y sön la poscibilité da jí lapró, nes cunta Lois Kastlunger t’La Usc di Ladins di 16 de ma