La Usc di Ladins

L era n'aria de gaissa e emozion tel Consei de Comun de Ciampedel che ai 21 de mé ge à dat ofizialmenter la chieves del paisc te man a Alessandro Bernard, l soul ombolt mudà te Fascia do la litazions di 4 de mé.

Enceben che l sie stat vizeombolt ti ultimes 5 egn portan inant costions emportantes, Bernard l era belebon emozionà canche, do che l é stat convalidà la encèries, l à jurà tant per talian che per ladin dedant a sie Consei e a na chindejina de sentadins rué a ge dèr sostegn, che ge à fat n gran batiman.

Bernard à rengrazià la comunanza de Ciampedel per la stima: »sente l peis de la responsabilità che me é stat dat su – l à dit – ma son segur che con la squadra che aon metù ensema podaron fèr delvers.

Se pel lejer dut su La Usc nr 20 dai 30 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (Lucia Gross)