La Usc di Ladins

»Noi sion i prumes ambasciadores del turism de Fascia, noscia enciaria é fondamentala per l’acolienza turistica e per l’economia de la val. Ogne ghest che rua te nesc cartieres l à l prum contat con noscia cultura, con noscia vida de far azet, con noscia jent. Noi sion chi che più che duc é bogn de fidelisar i clienc e de chest cognon esser consapevoi e no sotvalutar nosc ruol.« Con chesta paroles l’à avert la radunanza di sozi la presidenta di Fitacartieres de Fascia Cristina Donei en jebia ai 15 de mé te sala de Consei de Comun de Sèn Jan. Na radunanza chiamèda ite per l’aproazion del bilanz consuntif e preventif ma soraldut per meter en consaputa i sozi, prejenc na setantina, de la ultima neves pervedudes da la lege 191/2023 su la segureza contra l maldefech, jita en doura de jené del 2025. En particolèr chesta lege perveit che la strutures cogne aer i despositives de segureza desche i rilevatores de gas, estintores e, te vèlch cajo, ence impianc de alarm contra l fech.

Se pel lejer dut su La Usc nr 21 dai 6 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (Monica Cigolla)