La Usc di Ladins

L é stat Cesare Bernard l prum protagonist del Consei de Comun chiamà ite a Sèn Jan ai 12 de jugn. Bernard l era stat lità president de chest organism tel Consei passà, e aldò de l'esperienza jà concostèda tel mandat da dant, e amò dant desche president del Consei General, apede a chela de ensegnant, l à avert la scontrèda con n intervent per meter en consaputa duc i conseieres de colugn che l é i deric e i doeres de vigni component e colunes la prerogatives de n Consei, che l president te sia encèria l é chiamà a defener e fèr respetèr. Bernard à sotrissà che apontin per chest, enceben che posse someèr che la fegura de n president del Consei l’aesse pecia valuta canche no l é na mendranza, l à azetà e tout su chesta encèria con gran sens de responsabilità e ence con mingol de emozion.
Do la nomines l ombolt Giulio Florian à portà dant la proponeta de la linies generèles de goern che l à metù l’atenzion envers la persona e tel setor sozial e cultural.

Se pel lejer dut su La Usc nr 23 dai 20 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (Lucia Gross)