La Usc di Ladins

L é 6 l numer de popes che dal scomenz del an l é vegnù adalèrch a Cianacei. I egn dant i era stac 19 del 2024, 15 (2023), 8 (2022), 15 (2021), 18 (2020), 14 (2019) e 15 (2018). Do la ‘paussa’ del 2022, l numer ti ultimes egn à scomenzà endodanef a se smaorèr tant che tel servije privat Tagesmutter de Cianacei, da più che na dejina de egn portà inant da la coprativa provinzièla Il Sorriso, no l é assà post per duc chenc. L é stat endrezà na scontrèda con la families olache l é vegnù fora mèlcontent e valgugn é ence suté mingol su, tant che la mendranza à portà chesta tematica sun desch del prum Consei de comun de Cianacei. L’Aministrazion, vidèda dal ombolt Giovanni Bernard, la era ampò jà a cognoscenza de la costion vardan de didèr dalbon coche la podea la coprativa. Chel che mencia per sporjer n servije a duc chenc – l é stat dit – no l é na sala ma l personal: no l é assà Tagesmutter.

Se pel lejer de più su La Usc stampèda de en vender ai 11 de messèl, che se pel troèr ence te la boteighes de sfoes de la valèdes ladines.  (Nicoletta Riz)