La Usc di Ladins

L tema de la adejion del Comun de Moena al »GECT Alpine Pearls« l é stat fosc chel de maor impat mediatich anter chi porté dant en jebia ai 3 de messèl tel Consei de Comun.
L é passà 15 egn – à deschiarì l ombolt Alberto Kostner – da canche del 2010 l Comun de Moena aea dezidù de fèr pèrt de chesta organisazion che tolea ite Comuns taliegn e foresć. L obietif de chesta adejion l era chel de didèr l svilup de na mobilità alternativa e n turism sostegnibol, e al scomenz l é stat positif, con momenc de confront utol sun chisc temes, metui a jir ence a Moena. Ma ades l é mudà trop e per cont del ombolt, e ence del conseier Giuseppe Gilli che se à cruzià trop de chesta partnership, no paa la speisa seghitèr a spener 12.500 euro al an per l’adejion al »GECT Alpine Pearls«.

Se pel lejer de più su La Usc stampèda de en vender ai 11 de messèl, che se pel troèr ence te la boteighes de sfoes de la valèdes ladines.  (Lucia Gross)