La Usc di Ladins

Jughé te n ciamp ërt cun la codla che berdola for inò ju per l rone: chësc ie l »Curijel Alpenfußball«, l turnoi de juech al palé sa Curijel te Sëlva.Na manifestazion che ie urmei deventeda na tradizion, davia che n ie bele ruvei ala nona edizion. N sada ai 5 de lugio fova dut njenià per chësc turnoi particuler: cater scuadres da cater nchin a cin’ jugadëures à jugà al palé te n ërt y chëi plu da nierf à venciù de biei pesć.

Christian Perathoner, che à metù a jì l turnoi, à dit de vester drët cuntënt de coche la ie jita, manco butà àla cun la iscrizions, davia che l ie stat vel’ melcumprenscion. Ma mpo iel stat da rì y n se ncunforta bele sun l’edizion de chëst ann che vën, canche n puderà festejé i diesc ani.

EK

L articul tla edizion atuela de La Usc di Ladins.