La Usc di Ladins

Acà 15 dis su La Usc l é stat publicà n articol olache vegnia metù al luster la situazion del percors de la rodes te Fascia, che do passa 10 egn da canche l era stat inaudà la streca da Poza a Fontanac no l é amò ruà a compiment. Del 2023 l era stat dat su i lurieres per fenir la pèrt te la Val de sora, che aessa cognù ruèr a piz per la fin del istà 2024, ma al scomenz de la sajon 2025 l é amò cantieres averc, toc seré e ponts pericolousc.

L articol de La Usc nr 25 metea dant soraldut la condizions ló dai ciampes de balon e de tennis de Cianacei, ma aldò de chel articol te redazion l é ruà fotografies che moscia che te etres paijes no la va miec. L é trac seré fora e pericolousc, zaolà l é auti lascé ju sul percors, utró mencia segnalazions e informazions, e amò l é toc olache mencia demò l asfalt, che aessa podù vegnir fat te curt temp inant che tache la sajon.

Se pel lejer dut su La Usc nr 27 dai 18 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (LG)