La Usc di Ladins

Prum Consei General e prum confront anter i doi schieramenc de maoranza e mendranza en jebia ai 17 de messèl te sala grana del Comun General de Fascia. N confront feruscol e sćiantif che no à sparagnà critiches, polemiches e recriminazions. »De gra a la forza e a la energia che aede metù te chesta sentada – à dit a la fin l procurador Edoardo Felicetti – se lec la volontà de tirar fora sasc dai ciuzè, ades vardon de utar piata tel respet de dute le posizion. Aon sensibilità politiche desvalive ma vardon de laorar ensema, aon duc la responsabilità de far jir ben le robe.«

La sentèda, a la prejenza di ombolc de Sèn Jan, Soraga, Ciampedel e Cianacei, é stata averta dal conseier de età Bernardino Chiocchetti che dantfora à fat n excursus storich e n encadrament legislatif che à portà a la definizion del Comun General de Fascia.

L secondo e terzo pont pervedea la litazions del president del Consei e di doi vize. Per la encèria maora l capogrop de maoranza Marco Pederiva à metù dant l inom de Tea Dezulian. Sun chest l é entervegnù l capogrop de mendranza Amedeo Valentini: »Nosc obietif sarà chel de colaborèr acioche chesta legislatura posse esser caraterisèda dal respet di ruoi e de la persones, tratament che se speton ne vegne resservà ence a nos desche grop de mendranza – l à dit dantfora – ma cognon osservèr che la nomina de Tea Dezulian no spieia chesta volontà e no la garantesc l’imparzialità ajache la é stata litèda con la lista Fassa.

Se pel lejer dut su La Usc nr 28 dai 25 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Monica Cigolla)