La Usc di Ladins

La se n jirà en domenia ai 27 de messèl la squadra del Genoa do aer passà doi setemènes te Fascia a se arcedèr per l nef campionat de serie A. Te chisc dis i jiadores é jic ogne dì sul ciamp de balon Benatti de Moena per si arcedamenc, i é jic a troèr i bec del Genoa Summer Camp sul ciamp de Cotura a Vich, i à fat rafting, i é stac compagné a fèr na raida sa le Sele e i se à prejentà tedant a si fan. En mercol ai 16 de messèl i à jià fora la pruma partida da peconc contra l Fascia Balon e chiò l resultat à segnà 13 a 0 per la squadra del Grifon. »Ei, aede let delevers – i à scrit su la piata Facebook del Fascia Balon – ma se se jia contra na squadra de serie A ogne menut l é or! Scomenz col bot per l Fascia e l nef mister Alessandro Capovilla, che à jà fat soa pruma esperienza.
La seconda partida da peconc sarà doman, sabeda ai 26 de messèl, contra l Mantova e insnet, vender ai 25 da les nef l é la prejentazion de la squadra te piaz Sotegrava de Moena.

Se pel lejer dut su La Usc nr 28 dai 25 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (MCI)