N sada ai 19 de lugio, iel unit a s'l dé la la nona edizion dla garejeda de sauté da mont su Stelvio Trail Run a Prad am Stilfserjoch. I atlec ie piei via a Prad y ie sautei de viers de Stilfs, sun la Prader Alm, sala Furkelhütte per arjonjer l travert sun la Dreisprachenspitze a 2843 m, nia dalonc dal jëuf de Stilfs. La trassa ova na lunghëza de 21 chilometri cun feter 2.000 metri de deslivel. Venciù à pra i ëi l atlet dla Austria Robert Berger, che ie ruvà tl travert te 2:01.33. Pra l’ëiles à venciù Katharina Esswein, ëila fova ruveda terza pra la Saslonch Half Marathon, y à chëst iede finà si garejeda te 2:31.42. Nce doi atlec di Gherdëina Runners à fat pea y tlo udons al 39ejim plazamënt pra l’ëiles y segonda dla categuria F60 Manuela Perathoner cun n tëmp de 3:49:27 y al 91ejim pra i ëi y 11ejim tla categuria M55 Erich Perathoner cun n tëmp finel de 3:52.18.
Chësc ultim fin dl'ena à i Gherdëina Runners nce mo fat pea pra n'autra garejeda. N dumënia ai 20 de lugio iesen furnei te Ulten per l Ultner Höfelauf.
USC
L articul ntier tla edizion nueva de La Usc di Ladins de n vënderdi ai 25 de lugio.
