Manifestazions atuales

Data

25 de messel 2025

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 25 de messel 2025
Dotors y Apoteches
Doturs Val Badia
Tla fin dl’edema di 26 y 27 de messé, él en sorvisc ti comuns de de Badia, Corvara y La Val le dotur Giovanni Crivellaro, La Ila, tel. 348 0014266. Ti comuns de Mareo y San Martin de Tor él en sorvisc le dotur Eduard Agreiter, San Martin de Tor, tel. 0474 523315 o 333 1380852.

Dutor Gherdëina
L dutor de servisc da n sada ai 26.07. dala 08:00 daduman nchin la 08:00 daduman de n lunesc ai 28.07. ie l dutor Pablo Policastro tl ambulatuere di dutores Kostner/Weber, a Urtijëi tla streda Trebinger 10, tel. 366 3646 254.

Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 25.07. nchin n vënderdi ai 01.08. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).

Apoteca Val Badia
L’apoteca en sorvisc fora dl orar ordinar, dal vëndres ai 25 de messé dales 19:00 al vëndres al 1. d’agost ales 19:00, é chëra da La Ila, tel. 0471 847152.

Avisc
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauenhelfenfrauenbruneck.it

Atualmënter
Iniziativa di ëi de Puster–MIP
L’ofize dla MIP–Männerinitiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it

Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mutons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Faconti. L cost ie de 5€ per cumëmbri dla Lia Gaia.

Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena unirà prejentà n mestier da artejan y l ne mancerà nia ntratenimënt de mujiga.

Uni mierculdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi sarà inò daviert dai 2 de lugio inant, uni muerculdi dala 15:00 nchin la 19:00.

Uni mierculdi
Marcià de sëures y de tradizions
Uni mierculdi nchin ai 6 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradiziunel y maië velch de bon dl raion.

26.07.
Marcià di pulesc
L VKE Gherdëina met a jì n marcià di pulesc per mutons y mutans fat da mutons y mutans, n sada ai 26 de lugio dala 14:30 nchin la 17:30 sun Plaza Rezia a Urtijëi. N possa se nuté su nchin ai 24.07. dala 18:00 da Kathrin tres WhatsApp al 3387327860. Sce l ëssa da vester bur tëmp vën la manifestazion desdita.

28.07.
Federico Quaranta te piaz a Poza
Per la rassegna ‘Ad alta voce’ del Comitat manifestazions de Poza con Virna Pierobon en lunesc ai 28 de messèl da les 21:00 te piaz de Comun a Poza l é l monologh teatrèl de Federico Quaranta cognosciù condutor de la televijion.

30.07.
Enrico Pedace a Moena Incontri
Tel chèder de la rassegna ‘Moena Incontri’ en mercol ai 30 de messèl da les 17:30 te piaz Perle Alpine l é na scontrèda con Enrico Pedace che prejenta sie liber ‘Petali di spine’ ispirà a l’enrosadira e ai mic de Re Laurin e Moena.

31.07.
Licia Colò a Cianacei
En jebia ai 31 de messèl da les 21:00 te piaz Marconi a Cianacei per la rassegna ‘Campo Base’ l é na scontrèda con Licia Colò che conta de sia esperienzes e de sie empegn per la defendura del ambient.

31.07.
Minicurs de ladin
L Istitut Ladin Micurà de Rü te Sëlva nvieia a na ancunteda cun l lingaz y la cultura ladina, cun l referënt Gabriel Perathoner, n juebia ai 31 de lugio dala 14:20 nchin la 15:30 tl Istitut. L priesc ie de 27€.

Atualmenter
Jon a pe… Vegneto?
L Comun de Sèn Jan à abù na bela pissada, ajache jir a pe fasc ben a la sanità, fat de seghit l val l dopie e ensema a autra jent l é ence gustegol. Se se troa vigni mercol da le 9 dadoman te piaz dal Malgher, per far n troi sorì che pel far duc, compagné da n volontadif de Sèn Jan. Baste se tor do ciuzè sorii, mingol de aga e la voa de star ben.

Atualmenter
Giramuseo al Museo Ladin
Per dut istà vigni lunesc con scomenz da les 10:00 l staff del Museo Ladin de Fascia endreza Giramuseo, na raida a descorir la esposizions per duta la familia.

01.08.
Paroles che sona
En vender al prum de aost da les 17:00 te Piaz Perle Alpine per endrez de la biblioteca de Moena l é na scontrèda con l ensegnant e formator Giordano Reggè per n laboratorie per bec dai 3 egn en su per descorir l leam anter musega, narazion e svilup cognitif.

Sport
26.07.
L Genoa contra l Mantova
Doman, sabeda ai 26 de messèl da les 16:00 sul ciamp de balon Benatti de Moena l é la partida da peconc del Genoa contra l Mantova 1911, formazion lombarda de serie B.

29.07.
La Nazionèla talièna monies a Cianacei
Tel chèder de la rassegna de ‘Ispirazions d’istà’ en mèrtesc ai 29 de messèl da les 17:30 sul ciamp de balon de Cianacei l é na partida de la Nazionèla talièna monies contra na squadra de eles fascènes; da les 21:00 te piaz Marconi scontrèda con la capitana Annika Fabbian, l mister Moreno Buccianti e la testimonianza de Fabrizio Maiello.

Sozial
Atualmënter

»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).

Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le proscim termin é al 31 de messé. Al vëgn dé fora da mangé a dötes les porsones dla Val Badia che á debojëgn.

27.07.
Marcé de benefiziënza a La Ila
En domënia ai 27 de messé dales 15:00 ales 19:00 vëgnel tigní tla Ciasa dla Cultura a La Ila n marcé de benefiziënza. Al vëgn venü cosses fates a man y patüc da mangé fat te ciasa. Ci che vëgn trat ite vëgn tut por finanzié n proiet de benefiziënza tl Uganda. Organisaziun: Uniun Ëres La Ila.

Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.

Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Atualmenter
Portel de scout mediazion familia
L Comun General de Fascia con ALFID Onlus à avert n portel de scout, orientament e mediazion familiara per la relazions te cèsa. L é avert a duc e debant a Sèn Jan te Strada di Pré de Lejia 12 su apuntament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.

Atualmënter
Marcé de benefiziënza tla Ciasa dla Cultura a La Ila
Dëidesse arjigné ca produc fac cun pasciun, sciöche marmolada de früc, mil, duciaries, pan y ci che te vëgn en mënt. I produc pón dé jö al’Alma – Ambria La Ila (tel. 333 6769105). Cun les entrades vëgnel sostigní na istituziun de benefiziënza tla diozeja de don Andrea tl’Uganda. Le marcé é cun orars 15:00–19:00: domënia 27.7., mertesc 29.7., domënia 3.8., mertesc 5.8., sabeda 9.8. y domënia 10.8., y spo vigni de dai 12.8. ai 17.8.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.

Mertesc 29.07.
Natura e ambient: giacees e mudaments climatics– dales 20:50 ca.
Na produziun Pinterfilm, a cura de Alessandro Dapunt

Mercui 30.07.
Smach–dales 20:50 ca.
A cura de Leo Senoner.

Jöbia 31.07.
Eie e speie–dales 20:50 ca.
N program de Cinzia Pistoia, produziun Pennpro, a cura de Alessandro Dapunt.

Informaziuns plü menüdes sön i programs de RAI Ladinia é da ciafè sön www.raibz.rai.it – Sun l medem sit i programes TV sarà da vedei sota “Mediateca” y les trasmi-scions radio sota “Podcast”.

Radio
25.7.25
Agorà: Leo Holzknecht, l sport cuntà y analisà y si mpat cun la sozietà
Atif coche jurnalist sportif, ie Leo Holzknecht usà a se cunfrunté cun de plu sortes de sporc y a scrì lessù. Ël analisea i partimënc desfrënc dl mond dl sport y si nfluenza sun nosta sozietà. Trasmiscion de Ivan Senoner

27.7.25
Mattia Mussner, n gran talënt de fé conc
L jëunn de Urtijëi, à venciù la bedaia de bront pra la olimpiada de matematica a Cesenatico. Te chësta trasmiscion contel dl cuncors naziunel, de si scola, la TFO a Bulsan, di conc tl’età dla nteligënza artifiziela, dl liam di conc cun d’autra materies, dantaldut cun l’informatica, y mo truep deplù. Trasmiscion de Sofia Stuflesser

Mostres y ert
Atualmënter
Mostra de grafica digitala
Tla ütia dla staziun a munt dl lift Boé a Corvara él da odëi fora por l’isté la mostra »red blue colors« dl artist grafich Simon Josef Rubatscher da Longega.

Atualmënter
Mostra »Le lu é chiló«
Te Ciasa dl parch a Al Plan él da odëi fina al 31 d’otober la mostra »Le lu é chiló«, olache al vëgn tematisé le lu che popolëia indô i raiuns dles Alpes, la reaziun dla porsona y co che la presënza dl lu müda nos, nostes contrades y la manira da tigní tiers.

Atualmënter
Mostra: »Countdown to mass extinction?«
Cina al 31 d’agost él ciamó da odëi tl Museum Ladin Ciastel de Tor la mostra speziala »Countdown to mass extinction?«, da odëi tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa climatica d’aldedaincö.

Atualmënter
Mostra de Lois Anvidalfarei
»Cina ai 16 d’agost él da odëi tl Musum dla cité de Tlüses, str. Frag 1, la mostra »Corpus meum« de Lois Anvidalfarei. La mostra é daverta dal mertesc ala sabeda dales 9:30 ales 12:00 y dales 15:30 ales 18:00. Domënia y lönesc ésera stlüta.

Atualmënter
Formes y culëures
La mostra dl turnadëur Andreas Senoner tl Tublà da Nives te Sëlva resterà davierta nchin ai 3 d’agost uni di ora che l lunesc, dala 16:00 ala 19:00. Merdi, mierculdi y vënderdi nce dala 20:00 ala 22:00.

Atualmënter
«Cie giapa pa l paur?»
L Museum storich-culturel dla Provinzia de Bulsan Ciastel Tirol, nvieia de cuer ala mostra de Elisabeth Frei «Was kriegt der Bauer» («Cie giapa pa l paur?»), che resterà da udëi nchin ai 9 de nuvëmber.

Atualmënter
Mostra Idea UNIKA 2025
Ntan chësc instà vëniel metù ora la mostra Idea Unika tl zënter de Urtijëi, sun Pana y tl raion da jì a pe de Sëlva, ulache artisć:tes dl luech prejenterà si lëures nchin a mez setëmber.

01.08.
Mostra de Vespes
Sun Plaza Nives te Sëlva mët l Vespa Club Gherdëina a jì na mostra de vespes, n vënderdi ai 1. de agost dala 19:30 nchin la 22:00.

Atualmenter
Insec africhegn en mostra al MUSE
Fin ai 3 de aost al MUSE de Trent te la ‘Foresta tropicale montana’ se pel veder ence la mostra »Bugs’ life« te su la marevees di invertebré de l’Africa. I insec con formes e colores da marevea é metui fora respetan sie esser e la segureza di vijitadores. L MUSE é avert dal mèrtesc al vender da les 10:00 fin les 18:00 e de sabeda, domenia e festes fin les 19:00.

Atualmenter
Operes de Matthias Sieff a Limone
L’à inom »Presenze« l’esposizion che l cognosciù artist da Ciampedel Matthias Sieff met fora tel Parco Villa Borghi a Limone sul Garda. Sia carateriestiches gran operes restarà fora da poder veder per dut istà, enscin al meis de otober.

Referac
01.08.
I Turchi a Moena
En vender al prum de aost da les 17:00 al Palaz de la Magnifica Comunità de Fiem l é na conferenza de Fabio Chiochetti sul toponim del cianton de Moena sot l profil storich e etnografich e su coche i mecanimes de la comunicazion condiziona la percezion de la realtà da man del publich.

Temp lede
25.07.
Ilominaziun dla Tridentina
Incö vëndres ai 25 de messé dales 21:15 inant, él n grup de alpinisć che ilominëia la via ferata »Tridentina«. Deperpo él la Müjiga Calfosch–Corvara che tëgn conzert sön plaza de dlijia a Calfosch. I stödafüch dará fora val’ da mangé.

25.07. y 01.08.
Al Plan: Marcé da paur
Sön le marcé da paur »Agricolart« a Al Plan ciafon de vigni sort de produc da nüsc lüsc. Le marcé vëgn tigní incö vëndres ai 25 de messé dales 16:00 ales 19:00 sön le lüch »Tlò Plazores« y en vëndres al 1. d’agost dala medema ora sön le lüch de Corcela.

25.07.
»Le favole di B«–letura
Tla biblioteca Tresl Gruber a S. Cristina, uniràl liet dant stories per mutons dai 4 nchin ai 8 ani, n vënderdi ai 25 de lugio dala 10:30.

25.07.
Cumpré ite da sëira a Urtijëi
La butëighes de Urtijëi sarà daviertes n vënderdi sëira ai 25 de lugio dala 21:00 nchin la 22:30.

25.07.
Sparkling Summer Nights a Urtijëi
Ncuei ai 25 de lugio dala 21:00 inant puderàn se la lascé ji bona ntan la »Sparkling Wine Night« tl raion da jì a pe de Urtijëi: la butëighes sarà daviertes, i locai dajerà ora da bever y l sarà de bela mujiga.

27., 29. y 31.07.
Kidshour – devertimënt por mituns sö alalt
Pro le parch »Movimënt« sön Piz La Ila vëgnel metü a jí vigni mertesc, jöbia y domënia jüc, animaziun y devertimënt por mituns da 5 a 10 agn, dales 13:30 ales 17:00.

27.07.
La Ila: De dl Movimënt
En domënia ai 27 de messé vëgnel tigní le De dl Movimënt, tl parch dlungia la staziun a munt dl implant de Piz La Ila. Dales 10:30 inant sarál de vigni sort de animaziun por mituns: clowns, strinëc, musiga... y i mëndri pó ince se lascé depënje sö le müs.

28.07.
Pastelné cun materiai naturei
Sun pitla Plaza de Sant Antone a Urtijëi puderà i mëndri y la mëndres pastelné cun materiai naturei (puc, rames, pleces, y n.i.): ai 28 de lugio dala 14:30 - 18:00. Priesc: 15-20 €.

28.07.
Pian da steiles
En lunesc ai 28 de messèl con scomenz da les 19:00 vegn animà la frazion de Pian con musega e spetacoi de circo, de fech e de jogolieres.

29.07.
»Kids Day« a Al Plan
Vigni mertesc cina ai 26 d’agost (adinfora di 12.08.) vëgnel pité dales 14:00 ales 17:30 pro la »spiaggetta« a Al Plan n domisdé por i mituns cun de vigni sort de staziuns creatives, jüc cun l’ega y ince la poscibilité da se fá na roda cun le ciaval. Al é debann y an n’á nia bria da s’anunzié.

29.07.
San Ciascian: imparé a conësce i stödafüch
I Stödafüch da San Ciascian pîta la poscibilité da jí a ti ciaré a so magazin y descurí les mascins y i auti, en mertesc ai 29 de messé dales 21:00 inant.

30.07.
Nos Ladins cun Lukas
Tres l’iniziativa »Nos Ladins« pón descurí deplü sön le monn ladin y sön i mistiers de nosta jënt. En mercui ai 30 de messé él Lukas, volontar dla Crusc Blancia, che mostra la staziun y ince ci che al ó dí da ester volontar pro chësta uniun. Iscriziuns online o ti ofizi turistics dl’Alta Badia.

30.07.
Liejer y pastelné te biblioteca
La biblioteca publica de Sëlva, deberieda cun l Istitut Ladin Micurà de Rü, nvieia a n danmesdì ntan chël che l unirà liet dant na storia y daldò pastelnà, n mierculdi ai 30 de lugio dala 09:30 inant. La manifestazion ie adateda per mutons y mutans dai 6 ai 10 ani.

31.07.
Calfosch: devertimënt por mituns
En jöbia al 31 de messé dales 15:00 pó mitans y mituns da 3 a 12 agn passé n domisdé cun Elena, tl parch dai tiers a Calfosch. Ai podará depënje peres, pastelné portatles y n tic–tac–toe. Iscriziuns online o ti ofizi turistics dl’Alta Badia. Al vëgn damané la presënza de n adult.

01.08.
VKE Fantasy Festival 2025
N vënderdi ai 1. de agost mët l VKE Gherdëina a jì n domesdì de juesc y devertimënt sun Plaza de Chemun de Sëlva, dala 14:30 nchin la 18:30.

Atualmenter
Circen Dolomites Festival
En vender ai 25 de messèl taca ite la 6^ edizion del Circen Dolomites Festival con spetacoi sa mont e ti paijes duc i dis fin ai 3 de aost con l spetacol finèl a la Festa ta Mont. Chest an novitèdes con l Microcirco a Soraga. Dut l program su www.circendolomitesfestival.com.

Atualmënter
Chino per mutons
Tla biblioteca de San Durich a Urtijëi uniràl mustrà films per mutons:ans: uni lunesc (28.07., 4. y 11.08.), for dala 17:00. L prugram ie da abiné te biblioteca.

Uni lunesc
Kids Night–juesc y devertimënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:30 inant uni lunesc nchin ai 25 de agost.

Uni mierculdi
Sëira de juesc cun la lia Trix
La lia Trix nvieia a de bela sëires de juesc da mëisa, uni mierculdi (nchin ai 13.08.) dala 19:30 inant sun la plaza dan la biblioteca Tresl Gruber a S. Cristina. L sarà da abiné velch per uniun:a!

Uni juebia
»Flying Aperitivo«
La manifestazion unirà fata da juni nchin tl scumen-ciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif. L ie dase scrì ite nchin al di dant pra la Lia dl Turism de Santa Cristina o diretamënter pra l mplant dla Mont Sëura.

Uni vënderdi
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, for de vënderdi (ora che ai 25.07., 15.08. y 29.08.). 

30.07.–13.08
Cumpré ite da sëira te Sëlva
La butëighes de Sëlva sarà daviertes de mierculdi sëira, dala 21:00 nchin la 22:30: ai 30 de lugio, ai 6 y 13 de agost.

Chino y film
Atualmenter
Al chino de Pardac
Anché, 25 da les 17:30 l é »Elio« e da les 21:15 l é »I fantastici 4«, sabeda ai 26 da les 21:15 l é »Jurassic World-La rinascita«, domenia ai 27 da les 21:15 l é »I fantastici 4« e lunesc ai 28 da les 21:15 l é »Dragon trainer«. Info su www.cinemapredazzo.it

Atualmenter
Al chino de Tieser
Doman, 26 de messèl da les 21:15 l é »I fantastici 4«, domenia ai 27 da les 21:15 l é »Dragon Trainer«, lunesc ai 28 da les 16:15 l é »Elio« e da les 21:15 l é »28 anni dopo«, mèrtesc ai 29 da òes 21:15 en 3D l é »I fantastici 4«. Info su www.cinematesero.com

25.07.
Femenes te refuge
Per la rassegna ‘Campo Base’ con Elisa Salvi insnet, vender ai 25 de messèl da les 21:00 te piaz Marconi, se pel veder l docufilm ‘Straordinarie’ de Giorgia Lazzarini che conta la vita de 6 refugistes, de chestes 3 che stèsc e laora te Fascia.

Iadi y jites
27.07.
Jita sun la Gran Windschar 3041 m
La Lia da Mont Gherdëina nvieia a chësta jita n dumënia ai 27 de lugio. L vën pià via dala 6:00 da Sëlva demez cun la curiera, che fërma pona damprò ora. L se trata de na jita plutosc ria cun n deslivel de 1.453 m, ulache l uel vester n var segur. Da jì iel de ndut za. 7,5 ëura. Iscrizions: dal lunesc 21.07. nchin a n juëbia 24.07. per WhatsApp al 338 89 88 620, scrijian l inuem y ulache n sënta su. Per plu nfurmazions: Silke, 339 7160765.

Atualmënter
Iscrizions: Viac de 5 dis tl Saarland
La grupa KVW de S.Cristina mët inò a jì n viac da d’autonn, chëst iede tl Saarland cun la Region dla Mosel y Luxemburg, dai 1. al 5 de utober. Per plu nfurmazions y iscrizions: Emmerich Senoner, 335 5713575.

Leteratura
Atualmënter
Incuntades cun l’autur tl’Alta Badia
Chisc é i proscims apuntamënc: incö ai 25.07. »Kate e la maledizione dei Galles« de Antonio Caprarica; ai 30.07. »Le querce non fanno limoni« de Chiara Francini; al 01.08. »Di madre in figlia« de Concita De Gregorio. Tres dales 18:00, tl salf dles manifestaziuns a Corvara.

31.07.
N liber–na mont: ancunteda cun Chiara Francini
Per la lingia dl’ ancuntedes cun i:la autëures iel n juebia ai 31 de lugio dala 17:30 a Urtijëi tla Cësa di Cungresc l’ancunteda cun Chiara Francini, scritëura dl liber “Le querce non fanno limoni”.

Atualmënter
Se nuté su per l Domesdì Leterer
La Union di Ladins de Gherdëina nvieia de cuer a fé pea pra l Domesdì leterer 2025, n dumënia ai 31 de agost, cun lauratuere de leteratura y letura publica. N possa se lascé nuté su scrijan na e-mail cun na biografia curta o vel’ poejia y cuntia a info@ulg.it nchin ai 31.07.2025. Chi che fej pea giapa n onorar de 100 Euro per la letura.

Mujiga y Folclor
25.07.
Conzert dla Musiga d’Al Plan
Incö vëndres ai 25 de messé dales 21:00, sön paiun d’Al Plan.

27.07.
Cianté y soné sön munt
L’iniziativa dl »Cianté y soné sön munt« tl’Alta Badia vá inant. Tla Ütia Las Vegas a San Ciascian él da aldí en domënia ai 27 de messé dales 13:30 inant le trio di corgn da munt »Sassongher«.

27.07.
Musiga classica a Corvara
En domënia ai 27 de messé dales 21:00 él te dlijia da Corvara n conzert de musiga classica con n n grup de archëc dal Friul y dal Venet, sot la direziun dla pröma vidora Guido Freschi.

31.07.
Conzert da Musiga da San Martin
En jöbia al 31 de messé dales 21:00, sön paiun da San Martin de Tor.

Uni vënderdi
L sona i corni da mont
Te Val puderàn scuté su uni vënderdi for dala 16:30 inant, n cunzert de corni da mont.

26.07.
Jëuni Rocking Sëlva
Nce chëst ann mët i Jëuni de Sëlva a jì l festival de mujiga, n sada ai 26 de lugio dala 18:00 inant sun Plaza de Chemun te Sëlva. L sarà na bela sëira de mujiga cun aurela curta, zeche de bon da maië y da bever.

27.07.
Cunzert Cinquino Brass Quintett
Sun Plaza de Chemun de Sëlva fajerà l ensemble de Südtirol »Cinquino Brass Quintett« n bel cunzert: n merdi ai 29 de lugio dala 21:00.

30.07.
Defileda da noza cun l guant dala gherdëina
N mierculdi ai 30 de lugio dala 20:30 a S. Cristina da Plaza de Chemun demez nchin tl Zënter Iman, ulache l unirà spiegà la trohtes.

31.07.
Cunzert dla Mujiga de Urtijëi
La Mujiga de Urtijëi sunerà ai 31 de lugio dala 21:00 inant sun Plaza de San Durich.

31.07.
Cunzert dla Mujiga de Sëlva
La Mujiga de Sëlva sunerà ai 31 de lugio dala 21:00 inant sun Plaza de Chemun te Sëlva.

03.08.
Gran festa cun i guanc dala Gherdëina
N dumënia ai 3 de agost dala 11:00 inant saràl te Sëlva la gran defileda tradiziunela »Gröden in Tracht«.

04.08.
Bal populer a Urtijëi
I balarins y la balarines dla Grupa Bal Populer de Urtijëi balerà ai 4 de agost dala 21:00 tl zënter de Urtijëi.

26.07.
Galà lirich de Mozart a Moena
Doman, sabeda ai 26 de messèl da les 21:15 te tater de Navalge la sociazion Le Muse e le Dolomiti e la Sociazion Aurona prejenta l Gran Galà lirich con »Così fan tutte« de W.A. Mozart con Claudio Vadagnini al piano e Mirko Corradini a la regia.

26/27.07.
Carla Marcotulli per l Panorama Music
En sabeda ai 26 de messèl da les 21:30 a La Grenz per l Panorama Music l é l conzert de Carla Marcotulli, ciantarina aprijièda per sia ousc e sia interpretazions che sarà ence en domenia ai 27 da les 11:30 a la Baita Paradiso sun Sèn Pelegrin.

27.07.
Vasco Tribute
En domenia ai 27 de messèl da les 21:00 al PalaDolomites l é l Vasco Tribute con Michele Carovano che cianta i maores suzesc del artist talian.

Galaria retrac