La Usc di Ladins

Sarà la sociazion »Kino«, con a cef l jon da Gries Lorenzo Dezulian, a rejer fin ai 31 de mé del 2028 l chino e teater Marmolèda de Cianacei, strutura che tol ite ence n bar che pel vener beandes al publich. Chela del president Dezulian l é stat la soula perferida (con n smaorament del 1,67% respet a la basa de gara), do che l é stat metù fora ai 23 de mé l avis de gara. La basa de gara la era de €3.000 al an; nesciugn de etres se à palesà al Comun.

Tel diretif de la sociazion Kino l é ite ence Thomas Zulian, Martin e Thomas Pederiva (che se dèsc ju jà te la sociazion INOUT) e Davide Baldrati (Sociazion Antermoia). Aon domanà fora enstadì l president de la neva realtà.

Can pontarede via con

• Lorenzo Dezulian dedant al Chino Marmolèda.
•  

View the embedded image gallery online at:
https://www.lausc.it/valedes-ladines/fascia/30014-la-sociazion-kino-tol-su-la-gestion-del-chino-de-cianacei#sigProId5f3a08953b

la gestion neva?
Lorenzo Dezulian Sion do che meton en esser la sociazion e luron fora l statut. Cognassane ruèr a firmèr te curt temp l contrat col Comun, ence percheche fin enlouta no podaron lurèr co la strutura. L inom de la sociazion vegn ca tant dal ladin che dal todesch. Volassane scomenzèr a averjer l bar coi prumes de aost e via per l meis sporjer vèlch proiezion de film da mont. Cognassane però peèr via coche carenea entorn la fin de setember con n’inaudazion.

Aede n projet spezifich per l temp fora de sajon?
Volassane tegnir avert fora e fora. Nosc projet l revèrda soraldut l’atività tel temp fora de sajon, la comunanza l é nosc empegn e focus. Per Cianacei l é beleche n besegn aer n post olà se troèr. Peisse che soraldut chiò l ‘esser na comunanza’ sion do che l perdon e, tras l chino, volassane proèr a ge jir de contra a chest.

Se pel lejer dut su La Usc nr 28 dai 25 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Nicoletta Riz)