La Usc di Ladins

Man espertes fèsc più preziousa na teila con na voia e n fil da color: rejonon de l’èrt veiora del recam. Nasciuda per fornir i guanc de jent rica e potenta, la é passèda tras milenees e cultures desferentes. L ruèr de neva tecniches à permetù che l recam no sie più destinà demò a pec benestanc, ma no ge à tout nia a la valuta de na decorazion fata a man. Amò anchecondì l é persones che con pascion e pazienza porta inant chesta sort de lurieres, atività che pel ge donèr sodesfazion a chi che à chest gust, ma ence portèr inant azions de didament sozièl.
A Vich da passa 40 egn l é atif l grop ‘Mille Centrini’ nasciù su spenta de Christine Gögele Fontana.
Ence chest istà l grop l é vertech a averjer sia mostra-marcià: dai 8 ai 10 de aost se podarà jir a veder chel che l é stat endrezà chest an. L’autra dates de aost l é dai 13 ai 17 e amò dai 22 ai 24 tel spazie a pe pian de Ciasa Marmolada a Vich, che te chi dis l sarà avert da les trei enscin mesa les set da sera.
Chest’outa con chel che vegnarà ite l grop enten ge donèr a la Scolina de Sèn Jan n bel jech de legn zertificà da loghèr te vidor, a na vida che nesc picioi posse fèr atività a l’averta en segureza.

Se pel lejer dut su La Usc nr 29 dal prum de aost: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.




 (CriM)