La Usc di Ladins

Te la sentèdes del Consei de Comun de Sèn Jan e de Moena, states ai 30 e ai 31 de messèl, l é stat portà dant e aproà duc a una l apel ‘Salviamo Gaza ora, fermiamo il massacro’ metù fora dal Comun de Trent dessema a l’Arcidiocesi e a le Acli.

L obietif de chest apel l é de domanèr sobito n intervent del Goern talian con na azion diplomatica per meter fin a chesta vera e violenzes, respetèr l derit internazionèl e la protezion de la jent zivila, ativèr la liberazion di prejonieres te man de Hamas, fermèr l comerz de èrmes con Israel e fèr prescion sul Goern israelian percheche l lasce jir ite te la Striscia de Gaza i aiuc umanitères. Te la mozion vegn amò domanà che vegne palesà la vejinanza e la solidarietà de Fascia a la popolazion che padesc tras scomenzadives de sensibilisazion e informazion.
A Sèn Jan l President del Consei Cesare Bernard ge à dat la parola a la medema assessora Florian, che l'à let ju l test de la mozion e l'à domanà ence che chesta proponeta la vegne manèda ai raprejentanc de nosc teritorie che é tel Parlament, al President del Consei di Ministres a al Minister di Afares Foresć, domanan na touta de posizion chièra e n intervent concret a favor de la pèsc e de la giustizia. La mozion é stata aproèda da dut l Consei e l é stat ence n batiman del publich te sala.

I conseieres de Moena à aproà ence na integrazion

A Moena la proponeta de adejion al apel per Gaza la é stata portèda dant da la vizeombolta Cristina Donei, che la é ence raprejentanta del Comun tl Consei General, tel ‘Grop Mescedà’. »No tor posizion te chesta situazion tant dramatica - à dit Donei - vel dit esser complizi de chel che é do a sozeder te la striscia de Gaza.« Do la letura de la mozion, l é stat l intervent del conseier Giancarlo Ramus, che l à proponet de fèr na integrazion

Donei à sotrissà che l'adejion al apel per Gaza pel vegnir data ence da persones e no demò da istituzions, se pel dèr l'adejion sui canai social o scriver a ufficio.stampa@comune.trento.it.

De più su La Usc stampèda de en vender ai 8 de aost del 2025


 (Lucia Gross)