La Usc di Ladins

L conseier Giancarlo Ramus à metù dant i lurieres fenii da pech per l percors de la rodes. L à dit che la firma à lurà proprio delvers e la ge à consegnà na opera n muie emportanta, che la permet de arjonjer i obietives de miorèr l servije cicloturistich de Fiem e Fascia. L à dit che l percors l é n muie durà ence da chi che va a pe, e chest fosc te vèlch toch pel esser n problem, ma chisc lurieres, à dit amò Ramus, i à ciolà ensema la pèrt sud e la pèrt nord del paisc te na mobilità alternativa che à permetù de smendrèr n muie l passaje de rodes sun Strada Löwy, e chest l é n bel obietif.

Coi 8 de aost chest trat de percors per la rodes l vegn tout su diretamenter da la Provinzia e donca l farà pèrt del sistem di percorsc per la rodes provinzièl e duc i intervenc de manutenzion i ge pervegnarà al Servije de la PAT.

 (LG)