La Usc di Ladins

Giusef Brunel l era l secondo di 5 fies de Tone Brunel (1859-1916), cognosciù col sorainom de Losch, maridà con Agnola Brunel (1878-1953). L sorainom Losch l é jit fora ajache a Agnola i ge dijea la Riza per si ciavei ricioc. Tone l luraa desche stradarol e l é mort del 1916, la giava Agnola la é restada vedova en temp de vera con 5 fies picoi. 
Ajache l era orfen de pare, Giusef enveze che far l servije melitar l à podù jir coi Carabinieres, dant a la scola di Carabinieres a Torin e dapò, ajache l saea lejer e scriver todesch dalvers, l é stat manà te na caserma del Südtirol, sul Retenon. Aló l à cognosciù Maria Stuffer da Funes/Funeis, da chela che l à abù n fi. L era l 1928 e Maria con chest piciol te n cest l’à peà la ferata a Ora e do chela de Fiem enscin a Pardac. Da Pardac su fazile a pe e l’à lascià enlongia l troi de Soraga auta, ló dal Ruf de Menudol, chest cest col piciol con n scrit: »portalo a Agnola Brunel la Riza« e l inom del piciol: Giusef, desché so pare.

Se pel lejer dut su La Usc nr 33 dai 29 de aost: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.




 (Fernando Brunel)