La Usc di Ladins

Jon inant con le interviste ai joegn fascegn che se à laureà al scomenz del istà. Chest’outa aon domanà fora Andreas Rizzi de Poldin da Vich, clasc 2003, che à tout dant per sia tesi n argoment leà al Socors da mont, de chel che l fasc part da trei egn. Andreas, apede a se dar ju te Aministrazion de Comun, l é n muie atif tel volontariat e l à la pascion de la mont, defat ades l volessa doventar ence menacrep e ge jir do a le pedie de si giaves.

Che studies aste fat?
Andreas Rizzi É fat l liceo scientifich a Poza e do me é scrit ite a enjegneria eletronica a Padua.

Perché pa aste cernù enjegneria eletronica? 
Gio aee tel ciaf da sobito de far enjegneria ma l setor de enjegneria zivila no me piajea, volee proar zeche da nef e é vedù che l’eletronica l é n ciamp n muie gran e larch olache no se à tedant na strada soula ma se pel cerner n muie de strade tel davegnir. Me à sobito ciapà.
A Trent no la é chesta facoltà, l é enjegneria de le telecomunicazion che ge somea ma la strenc i studies demò a n ambit, per chest é cernù Padua.

Se pel lejer dut su La Usc nr 35 dai 12 de setember, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.


 (Monica Cigolla)