La Usc di Ladins

No l é nia de più bel, ades che vegn d’uton, che se tor n bel liber che conta de monts e se sentèr ju, endèna che i peces muda sie color e i cerves lascia scutèr sie rechiam de amor, a lejer te l’armonia che podon troèr con la pèsc de nesc bosć. Per chest dant che passe fora l uton voi ve meter dant n belot liber, vegnù fora chest an da la biro esperta de Francesco Vidotto, scritor che se rejonon de curta narazions da mont l no fala mai. Vegnù fora al scomenz del 2025, »Onesto« desche etres scric tel passà l é stat bon de ruèr dret al cher di letores. Vidotto ponta via da n fat dassen sozedù e da na lingia de letres tel dialet venet (ma talianisèdes tel liber) per scriver n roman schèji lejendèr, fat de fegures simboliches che raprejenta valores universèi desche l amor, la resistenza, l sacrifize. La contia se mef anter dolor, mencianza e speranza, te n contest da mont semper prejent. Na storia da lejer, ma soraldut n envit a pissèr sora al segnificat e al valor de la vita.

Se pel lejer dut su La Usc nr 40 dai 17 de otober, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.